Ізгіліктану кафедрасының жұмыстары

Ж Аймауытов атындағы 64 мектеп-гимназиясының 9-сынып оқушылары ҚР “ Кәмелетке толмағандардың арасында құқық бұзушылықтың алдын алу және бақылаусыздық пен панасыздықтың алдын алу” туралы түсіндірме жұмыстарын жасады. 9-11сынып оқушыларына жүргізген жұмыстың жетекшісі Абдикулова Жанат Жанбырбаевна және Дауленбай Шыңғыс, Сатыбалдиева Мадина, Жунисова Шырын, Саттарханов Нұрдаулет, Лесбекова Мадина, Бөріхан Жібек, Мамырханова Аяулым , Садық Періште, Абдуохап Жұлдыз және Әшірәлі Маржан. Түсірдіру жұмыс барысында видеороликтер және баяндамалар тыңдалды. Бүгінгі құқықтық мемлекет құрамыз деген заманда әрбір адам өз құқықтарын жете біліп,жалпы заң білімі саласынан мағлұмат алғаны дұрыс. Заңды аттамай, тура жолмен жүріп, еліне адал қызмет еткен азамат қана мұратына жетеді. Сондықтан заңды білу – заман талабы.

Бүгінгі таңда қоғамның алдында тұрған басты міндеттердің бірі – балалар мен жасөспірімдер арасындағы құқық бұзушылықтың алдын-алу,кәмелетке толмағандар арасындағы қылмыстың өсуіне жол бермеу. Бұл мәселе қазіргі таңда көкейтесті мәселелердің біріне айналып отыр. Садық Періште мен Бөріхан Жібек Қазақстанда заң бойынша кәмелетке толмаған жасөспірімдерге түнгі сағат 22.00 –ден кейін компьютерлік клубта отыруға және 23.00-ден кейін көшеде ата-анасыз жүруге тыйым салынғаны жайында баяндады. Айып пұл ретінде ата ана жұмысына ақшалай төленетінін де тілге тие кетті. Қоғамдық орындарды ластау, бірнеше сабақтарға қатыспау, темекі, ішімдік сияқты көптеген мәселелер адам өміріне кері әсерін тигізетінін де талқылады. Оқушылардың көкейінде жүрген сұрақтармен өрбіген сабақ диалогтік алаңға айналды.

Ел болам десең,бесігіңді түзе» деп атам қазақ айтқандай, әрбір ата-ана өз баласының тәртібі мен тәрбиесіне мән беріп, бос уақыттарында немен айналысатынына қатаң бақылау жасаса, жасөспірімдер арасында құқықбұзушылық пен қылмыстың төмендеуіне көп септігін тигізер еді.

Сонымен қатар, әр азаматтың міндеті-заң талаптарын бұзбау, екінші жағынан өзіне жүктелген міндетін орындау. Заңның ең басты мақсаттарының бірі – қоғамдағы алуан мінезді адамдарды салауатты өмір салтына тәрбиелеу.Заңды білмеу, оны бұзу - жауапкершіліктен құтқармайтынын жас ұрпаққа үнемі түсіндіреміз.