1 қыркүйек "Білім күні"

1 қыркүйек Білім күніне "Мектебім-мейірім мекені" тақырыбындағы ашық тәрбие сағаты.
Мақсаты: Балалардың «мейірімділік», «қайырымдылық» құндылықтары туралы түсініктерін кеңейту.
Міндеттері:
 — мейірімділіктің адам өміріндегі маңыздылығын түсіндіру;
 — өзара сыйластық қарым — қатынастарын дамыту;
 — мейірбандылыққа тәрбиелеу.
 
 Біз бүгінгі тренингімізде адамның жақсы құндылықтарының бірі мейірімділік жайлы әңгімелесеміз. Адамдардың бір — біріне деген мейірімділігі — әдептілік белгісі.
 
 Мейірімділік — адамның өзге біреуге жылылығын, ізгі ниеті мен лебізін білдіру көрінісі. Мейірімділік адамдар арасындағы сыйластық, кең пейілділік, жанашырлық, ізгі ниет секілді қасиеттерге негізделеді. Мейірімділік адамның жоғары адамгершілік белгісі ретінде оның бүкіл тыныс - тіршілігін, жан дүниесін жадырататын, шат - шадыман тіршілігі үшін қажетті аса маңызды қасиеттің бірі болып саналады.