Ұлы даланың жеті қыры

"Ұлы даланың жеті қыры" мақаласы бойынша тәрбие сағаты өтілді.
Мақсаты:Елбасымыздың мақаласын түсіндіру, талдау. Өз тілін, елін, тарихын, салт-дәстүрін білуге, сүюге, мақтан тұтуға тәрбиелеу.
Тарихымыз-болашағымыздың айнасы! Даналардың дарабозы, еліміздің елбасы Н.Назарбаевтың   «Ұлы даланың жеті қыры» атты мақаласы жарық көрді. Ең басты мақсат өткенімізден сыр шертіп, болашаққа бағдар жасау. Елбасы Нұрсұлтан Назарбаевтың «Ұлы даланың жеті қыры» атты мақаласында халықты тарихқа құрметпен қарауға және зерделеуге шақырады. Ұлы даланың жеті қырының барлығы да – қазақ халқының тарихындағы ерекше мұра. Атқа міну мәдениеті, ежелгі металл өндіру мен өңдеу технологиясы, өз жазуы мен мифологиясы бар озық мәдениетті.  Қазақ елінің рухани байлығының айшықты белгісі – «аң стилі өнері», бүкіл әлемді тамсандырған .Дала өркениетінің жәдігері − «Алтын адам» жауынгері, түркі әлемінің бесігі саналатын Алтайдан бастау алатын түркі тарихы, әлемдік экономиканың өркенденуіне септігін тигізген − Ұлы Жібек жолы жүйесі тек тарих ғана емес, әрбір қазақ үшін де аса қымбат құндылықтар.Осы құндылықтармен танысып, мағынасын ұғыну әр бір ұлтжанды азаматтың парызы.