Мектеп -гимназия оқушылары Шымкент қаласы мектептерінің арасында өткізілген "Ұлттық мектеп лигасы"  ойындарында жеңіл атлетикадан жүлделі ІІІ орынға ие болды. Жеңіс құтты болсын, Жайсанбек ағай! #64спорттықүйірме 

Шахмат ойыны- бұл адамның мінез-құлқын өзі басқарумен қоғамдық тәжірибені қалыптастыруға арналған жағдайлар негізіндегі іс-әрекеттің бір түрі болып табылады. Ж.Аймауытов атындағы 64  мектеп-гимназияда шахмат үйірмесінің жетекшісі Н.Әлімбеков "Мен Қазақстан чемпионымын" тақырыбында шахмат ойындарынан сайыс өткізді. #спортүйірмесі64 

Шымкент қаласы білім басқармасына қарасты Ж.Аймауытов атындағы N64 мектеп - гимназияда 05.02.2022ж.қала мектептерінің мұғалімдері арасында волейбол,шахмат, тоғызқұмалақ, үстел теннисінен спорттық ойындар өткізілді. Қатысушыларға сәттілік тілейміз!  

Шымкент қаласы білім басқармасы әдістемелік орталығының тапсырмасымен, тәрбие саласының  жоспарына сәйкес  мектеп оқушылары бойына  ұлттық құндылықтарды сіңіру мақсатында дене шынықтыру пәні мұғалімі Г.Мылтықбаева тоғызқұмалақ ойынынан сайыс өткізді.#64тәрбие 

15.12.2021ж.Ж.Аймауытов атындағы N64 мектеп-гимназиясында Тәуелсіздігіміздің 30 жылдығына орай Италияда студенттер арасындағы өткен әлем біріншілігінің күміс жүлдегері Жүнісов Бибек Қаныбекұлы атындағы шахмат кабинеті ашылды.Кабинеттің ашылуына орай шахмат ойындарының жеңімпаздары мен мектеп оқушылары арасында шахмат турнирі өткізілді.

03.12.2021ж.Ж. Аймауытов атындағы N64 мектеп - гимназияда Қазақстан Республикасының Тәуелсіздігінің 30 жылдығы және мектеп -  гимназияның 30 жылдық мерекесіне орай "Мен өз Отанымның батыл қорғаушысымын" тақырыбында әскери - патриоттық, спорттық сайысы ұйымдастырылды. Мақсатымыз: Қазақстан Республикасының егемендігін мәңгі сақтауға, ел патриоты болуға, елін, жерін, Отанын қорғауға аянбай еңбек етуді, мақсат етуді және мектеп оқушылары арасында әскери - патриоттық, спорттық сайыстарды насихаттау

Шымкент қаласы білім басқармасы әдістемелік орталығының бастамасымен өткен ұлттық лига ойынының жеңімпаздарын марапаттау 64 мектеп-гимназияда өтті. Мектеп-гимназияның волейболшы қыздары жүлделі ІІІ орынға ие болды. Құттықтаймыз!

"Мен салауатты өмір салтын қолдаймын" жобасы аясында Ж. Аймауытов атындағы 64 мектеп -гимназияда 8-11 сынып оқушыларынан құрылған шаңырақтар арасында спартакиада болып өтті. Бес шаңырақ арасында спорттың 7 түрінен сайыс өтіп, мықтылар анықталды, жеңімпаздар марапатталды.

Ж. Аймауытов атындағы 64 мектеп-гимназияда 1- желтоқсан Тұңғыш Президент күні және Ж. Аймауытовтың 130 жылдығына орай өткізілген "Мен өз Отанымның адал қорғаушысымын" атты әскери-патриоттық, спорттық сайыс 10 сынып оқушыларының арасында өткізілді. I орын -10 а сыныбы, II орынды 10 б сыныбы, III орынды 10 ә сыныбы иемденді. Егемен еліміздің болашағы- жастардың қолында. Жүлде құтты болсын!