2023-2024 оқу жылындағы бастауыш сынып мұғалімдеріне арналған "Дарын" орталығының "Алтын тұғыр" республикалық математикалық олимпиадасының облыстық кезеңінің қатысып, III дәрежелі дипломмен марапатталдым.  

  2023-2024 оқу жылындағы XIX республикалық 2-7 сынып оқушылары арасындағы "Зерде" зерттеу жобалары конкурсының қалалық кезеңіне қатысып,Ж.Аймауытов атындағы №64 мектеп-гимназиясының  4"Б" сынып оқушысы Сағидулла Әзірет Сұлтан химия,биология секциясы бойынша "Қалақайдың емдік қасиеттері" тақырыбында өз зерттеу жұмысын көрсетіп, III дәрежелі дипломмен марапатталды.      

    "Оқуға құштар" мектеп жобасы аясында мектеп кітапханашысы Зейнетаева Гүлназ апаймен бірлесе отырып 4 "б" сынып оқушыларымен Ы.Алтынсариннің өлеңдерін мәнерлеп оқу , жатқа айту іс-шарасы өткізілді.  Мақсаты: Ы.Алтынсариннің еңбектерін үлгі ете отырып,оқушыларды еңбекқорлыққа,адамгершілікке, іскерлікке, достыққа, ынтымаққа , Отан , болашақ алдындағы борышын сезінуге , елін, жерін, жұртын сүюге, Ұлы тарихи тұлғаны есте сақтауға, құрмет тұтуға, үлгі алуға тәрбиелеу. 

          4 "Б" сынып оқушысы Сағидулла Әзірет-Сұлтан "Қалақайдың емдік қасиеттері" тақырыбындағы зерттеу жұмысына дайындық үстінде.

    Ата-аналар жиналысының мақсаты: ата-ананың бала тәрбиелеудегі оң психологиялық көзқарасын, балаға деген жауапкершілік сезімін және ата-аналардың мектеппен тұрақты қарым-қатынасын қалыптастыру.

   "Дарын"республикалық ғылыми -практикалық орталығы оқушылардың математика пәнінен білімдерін тереңдету және сол пәнге қызығушылықтарын арттырып, дарынды балаларды айқындау мақсатында өткізілген сайысқа 4 "Б" сынып оқушылары қатысып жүлделі орындарға ие болды.Шәкірттерімізді жеңістерімен құттықтаймыз!

    Қазақстан Республикасында әрбір отбасы ата-аналары  өз балаларымен   қарым-қатынасты жақсарту, балалардың әл-ауқатын қамтамасыз ету  үшін ата-аналар қауымдастығында психологиялық- педагогикалық білім  дағдыларын қанағаттандыру, жұртшылық өкілдерінің жұмыстарын біріктіру, шоғырландыру мақсатында 2023-2024 оқу жылында «Ата-аналарды педагогикалық қолдау» орталығының  бағдарламасы аясында  4 сынып ата аналарымен "Отбасы-бақыт бесігі" тақырыбында шеберлік сағаты өтілді.

Жас ұрпақты Отанын сүюге, еліміздің рәміздерін қастерлеуге, бай - қуатты ел екендігін мақтан етуге үйретіп, туған еліне, жеріне деген сүйіспеншілігін арттырып, махаббат сезімдерін ояту.

    1-қазан Қарттар күніне орай 4 "Б" сынып оқушыларымен "Қарттарым -асыл қазынам "атты тәрбие сағаты өткізілді.Мақсаты:оқушы бойына халқымыздың асыл қасиеттерін сіңіру,үлкенді сыйлау,өз ата-бабасын ұмытпай ,салт-дәстүрден нәр алып өсуіне ,инабаттылыққа ,жақсы мен жаманды ажырата білуге, аталы сөзден ғибрат алуға тәрбиелеу.

  ББЖМ 4-сыныптарда кешенді тестілеу нысанында ақпараттық-коммуникациялық технологияларды қолдана отырып ,оқыту тілінде функционалдық сауаттылықтың үш бағыты:оқу сауаттылығы,математика сауаттылығы ,жаратылыстану -ғылыми сауаттылығы бойынша жүргізіледі.